اسطورة افروديت و ايروس

افروديت ده اسمها باليونانى و باللاتينى فينوس
هحكى الاسطورة بقى:-

اسطورة افروديت يونانية اصلا وبتحكى انها اتولدت من زبد البحر فى جزيرة فى اليونان و فى الاعمال الفنية بقى نحت وعمارة وكده اتصورت كتير الاسطورة دى كانت بتتصور على طول بالصدفة وهى طالعة منها وانا مش عارفة اجبلكم صور عشان بتتصور عريانة على طول بس لقيت الرسمة دى

ودى وهى طالعة من البحر مولدها يعنى ودول حوريات بيغطوها

افروديت كانت الهة الحب والجمال و كان اليونانين بيحبوها اوى وكانت قريبة من قلوبهم
واتسمى كوكب الزهرة باسمها Venus

اما ايروس بقى هو كان بيتصور ولد صغير بجناحين طاير ومعاه جعبة سهام و ماسك سهام فى ايده بيضرب الناس عشان يحبوا بعض
اسمه E rosو باللاتينى Cupid

العلماء بيقولوا انه ممكن يكون ابن الهة الليل Nux وفى برضه كان بيقول انه ابن افروديت بس الرأى ده مش اوى لان بيقولوا ان ظهور ايروس كان قبل افروديت
و هو كان محبب اوى لليونانين وبيقولوا ان سهامه كانت لا تخطئ ابدااااااا
ومكنش اله ثانوى لكن كان اله اساسى , بس فى العصر الهلنتسى قلت عبادته شوية
وهو غالبا كان لما تتصور افروديت او فينوس فى الفن كان بيظهر معاها